A Xoaninha - Cooperativa de Consumo Responsable

¡¡¡NOVA WEB DA XOANINHA!!!

xan.martinez — 2009-09-26T14:27:56Z

¡¡¡TEMOS NOVA WEB DA XOANINHA!!! - A Xoaninha - Novas e avisos

Horario de inverno desde o 5 de outubro

Cooperativa Xoaninha — 2009-09-04T18:57:19Z

¡¡Seguiremos co horario de vran ata o luns 5 de outubro!!

Mañás: de luns a venres, de 10:30h ata as 13:30h.
Tardes: de luns a venres, de 18:30h ata as 21:00h.

Feira Rural en San Sadurniño...

Cooperativa Xoaninha — 2009-08-05T05:12:00Z

O sábado, 8 de agosto, coincidindo coa Feira Rural organizada polo Concello de San Sadurniño, aproveitaremos para visitar os terreos nos que A Xoaniña vai desenvolver o proxecto de producción propia.

As persoas que queiran coñecer os terreos: quedamos ás 11:00h no posto que A Xoaniña vai poñer na mesma feira.

Do proceso de inscrición no CRAEGA

xan.martinez — 2009-07-12T06:37:00Z

O único que pagamos foron 8 euros. Non se pode dicir que sexa caro. Podemos dicir que é algo lento. Cecais non contan con todos os medios cos que quixeran, pero funciona razonablemente ben. A técnica que veu ver os terreos pre-inscritos e a tomar as mostras de terra pareceume moi profesional, asequible e, sobre todo, moi disposta a facer o que fixera falta para apoiarnos no desenvolvemento do noso proxecto. O mesmo poderíamos dicir do Director Técnico do CRAEGA, que durante os últimos meses ficou sempre asequible e disposto a facer canto estivera na súa man para que sacáramos adiante o proxecto.

Pedidos de tenreira e aceite

Cooperativa Xoaninha — 2009-07-10T16:33:28Z

Tenreira: Chegará o luns 3 de agosto. @s soci@s que queiran poden aínda apuntarse na libreta de pedidos da tenda.

Aceite de oliva: Temos problema para chegar a un mínimo no pedido de aceite Bioxálima (é un aceite de sabor forte, e algo ácedo). Pregamos a tod@s @s soci@s interesados que se apunten canto antes e, aos que xa se apuntaron, que revisen o pedido realizado por se hai forma de amplialo...

Pola contra, o aceite de oliva de Cueva del Niño xa o estamos rematando (foi o pedido máis grande que levamos realizado desde a cooperativa). Temos que pedir máis, así que abriuse de novo unha folla para apuntarse ao pedido no mostrador da tenda.

Asamblea Xeral - sábado 27 de xuño

Cooperativa Xoaninha — 2009-06-10T15:51:11Z

O sábado 27 de xuño teremos Asamblea Xeral. Iremos ampliando información.

Polo de agora, pódense achegar puntos para a orde do día ate o venres 12 de xuño a través de correo electrónico a info@cooperativaxoaninha.org

¡¡Empezamos!!

xan.martinez — 2009-06-05T06:25:00Z

Contamos, nun primeiro momento, con dúas parcelas próximas a San Sadurniño. Suman cáseque dúas hectareas. O produto que nos propoñemos cultivar desde o principio son as PATACAS. Temos tamén outras necesidades, pero que levarían máis traballo, e escomezar un proxecto deste tipo cos poucos medios cos que contamos non vai ser doado. Un dos principais problemas é a falta de persoal cualificado. E non podemos contratar a ninguén cando unha produción deste tipo vai tardar bastante tempo en sufragar os (...) - As Nosas Hortas

¡¡¡Nace Coop 57 Galicia!!!

Manolo.Rivera — 2009-06-01T16:24:07Z

O pasado Sábado 31 /05/2009 tivo lugar a Asemblea constituinte de Coop 57 Galiza

Coop57 Galicia nace nun contexto xeral no que, nos últimos anos, moitas persoas e colectivos sociais están a cuestionar o emprego, nomeadamente polo sistema financeiro convencional, dos cartos da cidadanía en xeral, e dos seus en particular, como ferramenta de acumulación de poder económico e social, e que desvincula a actividade económica de parámetros éticos como a defensa da paz, a loita contra explotación humana, a democracia participativa, a igualdade de oportunidades, a solidariedade e a defensa do medio ambiente. É dicir, o investimento dos cartos en proxectos con rendabilidade económica mais violadores dos dereitos humanos e/ou dos ecosistemas.

Por outro lado, organizacións e colectivos sociais enmarcadas dentro da economía social e solidaria - que teñen como principio fundamental a primacía das persoas sobre o capital na toma de decisións e nas súas políticas, e que promoven valores como a voluntariedade; a democracia participativa; a responsabilidade; a equidade; a vocación social e ambiental; a igualdade; a transparencia e a solidariedade –, fican excluidas dos circuitos financeiros pola súa natureza organizativa; polo perfil socioeconómico das persoas que fan parte delas; e pola natureza dos proxectos que pretenden desenvolver ao non resultaren atractivas para o sistema financeiro convencional.

Con estes antecedentes, téñense promovido no marco europeo diversas iniciativas so un modelo organizativo de democracia participativa, que procuran fomentar o aforro solidario e o investimento ético para financiar proxectos de desenvolvemento local e de cooperación co Sul, con alto valor social e ecolóxico; non especulativos e, daquela, que procuran a recuperación do protagonismo da cidadanía na captación, xestión e aplicación dos cartos, e a compatibilización do rendemento ético e o rendemento económico dos proxectos que son financiados. Exemplos destacados destas iniciativas son a cooperativa de crédito italiana Banca Popolare Etica (BpE) e no Estado Español, Fiare e a cooperativa catalá de servizos financeiros Coop57.

En Galiza, nomedamente nos primeiros anos do novo milénio, intensifícase o interese sobre as finanzas éticas por parte de diversos colectivos da economía social e solidaria, por exemplo, asociacións e cooperativas no ámbitos do comercio xusto, o consumo responsábel, a cooperación para o desenvolvemento, e a inserción laboral, entre outros, que dá lugar á organización de diversas actividades sobre esta temática e ao xurdimento dunha iniciativa de aforro e investimento solidario de ámbito local .

No desenvolvemento destas actividades coincídese no diagnóstico da problemática para a consecución de financiamento acaído no sistema financeiro convencional por parte das organizacións de economía social e solidaria galegas ; o papel dos cartos na sociedade actual, a súa captación, xestión e aplicación por parte das entidades financeiras convencionais; e a necesidade de procurar alternativas desde o tecido social galego para abordar esta diagnose, através do coñecemento de boas prácticas neste eido de outros territorios do Estado Español, dada a práctica inexistencia de referentes neste eido no territorio galego.

Con estes antecedentes, en 2007 desde as asociacións de cooperativas de traballo e consumo galegas promóvese un programa plurianual para conformar un grupo promotor que dinamice un proceso de reflexión que desemboque na creación dun proxecto de finanzas éticas alicerzado nos principios da economía social, e de ámbito galego. Neste proceso amosan interese en participaren unhas trinta e cinco organizacións dos ámbitos expostos no parágrafo anterior. O período constituinte desenvólvese cunha participación activa dunhas vinte e cinco organizacións, que durante ano e medio estudan, debaten e acordan os contidos do modelo de organización a promover, e realizan actividades divulgativas para o coñecemento de experiencias activas acordes con este modelo. O resultado deste proceso é a creación de Coop57 Galicia como Sección Territorial da cooperativa catalá de servizos financeiros éticos e solidarios Coop57 por parte de dezaseis delas, sen prexuízo de que outras das participantes se incorporen nun futuro próximo ou teñan apostado, de forma lexítima, por outras alternativas complementarias.

Por parte do grupo promotor de Coop57 Galicia, a aposta por Coop57 responde a 1) considerar a esta cooperativa como un referente consolidado no ámbito das finanzas éticas, tendo en conta a deficiencia de iniciativas deste tipo e do saber facer neste ámbito no noso país; 2) polos princípios nos que fundamenta a súa actuación (cooperativos e da banca ética); 3) polo seu modelo organizativo participativo e de crecemento en rede e solidariedade interterritorial; 4) pola autonomía de xestión e decisión dos proxectos a financiar por parte da Sección Territorial; 5) por ser unha garantía da viabilidade económica da iniciativa en Galiza a respecto de cubrir os posíbeis deficits que se produzan entre a capacidade de captación de aforro e as necesidades de financiamento dos proxectos galegos, e favorecer a sinerxia de custos de estrutura; e 6) pola oferta e flexibilidade dos servizos financeiros adaptábeis ás necesidades dos proxectos a financiar en Galiza.

Todo o anterior sendo conscientes das limitacións coas que conta, xa que non podemos falar dunha entidade bancaria en sentido estricto, ao non prestar servizos financeiros a particulares, e que existan operacións de financiamento a proxectos que non poida asumir na súa totalidade. Para cubrir estas limitacións Coop57 fai parte como socia transversal do proxecto de banca ética Fiare SL, e coopera co obxecto de captar capital e depósitos para a constitución dunha cooperativa europea de crédito, xunto coas cooperativas de crédito BpE da Italia e NEF da Franza, no limiar de 2011.

Desde Coop57 Galicia acreditamos que Coop57 vai ser un piar fundamental para a a consecución deste proxecto e daquela dun proxecto integral de Banca Etica no Estado Español, so un modelo organizativo democrático e participativo, e coa nosa integración queremos reforzar a súa consolidación.

AS VANTAXES DA PRODUCIÓN ECOLÓXICA

Cooperativa Xoaninha — 2009-05-19T15:32:42Z

Concello: San Sadurniño Lugar: Casa da Cultura Enderezo: Avda. Marqués de Figueroa, s/n Data: sábado, 30 de maio de 2009 Horario: 11 horas

Esta xornada de sensibilización está dirixida a todas as persoas interesadas na Agricultura Ecolóxica, co obxectivo de divulgar as súas potencialidades para protexer o medio ambiente, xerar produtos máis saudables e de maior valor e crear ou manter empregos nos espazos rurais.

Banca ética en Galicia

Manolo.Rivera — 2009-04-29T05:23:34Z

Estimadas/os amigas/os :

Estamos a constituir o primeiro proxecto de Banca Ética en Galicia . O próximo 30 de Maio celebrarase en Santiago de Compostela a Asemblea Constituinte de Coop57 Galicia, Sección Territorial da cooperativa de servizos financeiros éticos e solidarios Coop57. Esta iniciativa será constituida por 17 organizacións da economía social e solidária de Galiza.

Para facilitar este proceso de afiliación adxuntámosvos a seguinte información :

Información da Constitución e Características Xerais de Coop57 Galicia
Información sobre o papel das Socias Colaboradoras en Coop57 Galicia
Formulario de alta de Socias Colaboradoras (persoas físicas)
Formulario de alta de Socias Colaboradoras (organizacións)

1. Organizacións Constituintes de Coop57 Galicia (17) - Sócias de Servizos

Cooperativas (12) : Pegadas; Arbore; A Xoaniña; Milhulloa; Teixugo; Andaina; Xedega; Cidadania; Equal; Ardora; Intergal; Fungo.
Asociacións de Cooperativas (4) : Ugacota; Eixo; Ucetag; Sinerxia
Outras asociacións (1) : AES Briante

2. Organizacións interesadas no Proceso Constituinte de Coop57 Galicia (19)

Cooperativas (11) : Eirado; Como Cabras; Zocamiñoca; San Martín de Moreira; Coperactiva; Tagen Ata; Promundos; Ria de Arosa; Coop.Servizos de Redeiras; Ace Cinco; Colexio Mendiño.
Asociacións (7) : Amarante; Semente; A Cova da Terra; Coordinadora Galega de ONG's; Federación Galega de Redeiras "O Peirao"; Federación de Mulleres Rurais Mestura; Verdegaia
Outras empresas de economia social (1) : Daveiga SLL

Rogamos divulgues esta información para que chegue a todalas persoas e entidades interesadas en participar no proceso de constitución . Recorda que

· As entidades poden ser: Socias de servicios ou socias colaboradoras

· As persoas físicas poden ser socias colaboradoras

Manolo Rivera

AES briante