Remítennos información deste proxecto local de grande interese:

Un banco de tempo é un sistema de intercambio de servizos por tempo.

No Banco de Tempo a unidade de intercambio non é o diñeiro habitual senón unha medida de tempo, no noso caso o traballo por hora.

É un sistema de intercambio de servizos por servizos. Propón a vantaxe de fomentar as relacións sociais e a igualdade entre distintos estratos económicos.

Nel o tempo de cada participante valórase por igual, xa sexa que el/ela é un principiante ou un experto amplamente capacitado e é ademais unha ferramenta para revitalizar a vida da comunidade.

A saúde das comunidades depende da crenza de que as accións do presente teñen gran significado para o futuro. A máis efectiva e eficiente forma de construír capital social é xerando reciprocidade dun modo máis amplo. Deste modo, a confianza e os compromisos cívicos reprodúcense automaticamente.

Enlaces de interese:

• Banco de tempo: http://bdt.deferrolterra.org/
• Cooperativa Armeria: http://armeriacooperativa.blogspot.com.es/